كورسات مجانية من لينكد ان للمجالات الاكثر طلبًا في سوق العمل

أهلا يا اصدقاء ! النهارده جايبة لكم كورسات مجانية ، عددهم 14 كورس مجاني من لينكد ان في المجالات اللي بتطلب بشكل كبير في سوق العمل وعليها اقبال ، يعني دي فرصتكم وجت لحد عندكم ولازم تستغلوها عشان تبنوا الكارير والمستقبل بتاعكم

لينكد ان بالتعاون مع مايكروسوفت قرروا يقدموا 14كورس أو دورة وكلهم كورسات مجانية تمامًا من دلوقتي ولحد شهر مارس سنة 2021 ، الـ كورسات دي هتكون في المجالات الاكثر طلبًا في سوق العمل يعني لو معندكوش خبرة أو فكرة عن أي حاجة وعايزين تبدأوا تتعلموا حاجة جديدة دي فرصتكم ، لو عايزين تشتغلوا كـ فريلانسرز من البيت ويبقى ليكم شغلكم الخاص دي فرصتكم الحقيقية عشان تتعلموا حاجة جديدة أو تطوروا من نفسكم لو عندكم فكرة أو خبرة في مجال معين

الكورسات دي مجانية تمامًا من دلوقتي ولحد شهر مارس 2021 ، بعد ما تخلصوها تقدروا تاخدوا الشهادة اللي تثبت انكم اخدتوا الكورس ده وتقدروا تضيفوها ع لينكد ان وده هيزود من المهارات بتاعتكم ويساعدكم تلاقوا شغل بشكل افضل

الكورسات دي عبارة عن مجموعة فيديوهات متاحة بأكتر من لغة زي الانجليزي الفرنسي الاسباني والالماني

كل كورس من دول أيًا كان مجاله ايه فـ اللي بيقدموه هما ناس عندهم خبرة كبيرة جدا في المجال ده والكورسات بتغطي كل المستويات وهتوصلكم من أول المستوى المبتدئ لحد المستوى المتقدم

الكورسات عبارة عن 10 كورسات مجانية في مجالات تقنية ومهارات تقدروا تشتغلوا بيها
و4 كورسات لمهارات عامة أو زي ما بيقولوا
Soft Skills

يعني مهارات بتساعدنا مهما كان مجال تخصصنا ايه

ودلوقتي يلا بينا نبدأ في

كورسات مجانية من لينكد ان في المجالات الاكثر طلبًا

ملحوظة : أي كلمة أو جملة بالاحمر وتحتها خط دوسوا عليها هتنقلكم للكورس فورًا

1.Become a software Developer

الكورس ده عبارة عن 29 ساعة و 3 دقايق يعني لو كل يوم شوفتوا ساعة هتخلصوه في أقل من شهر

في الكورس ده هتتعلموا : اساسيات البرمجة

هتتدربوا على : لغات البرمجة المختلفة زي

HTML & CSS

هتعرفوا اكتر عن : لغات برمجة اساسية زي

Python, javascript & java

***

2. Become a Graphic Designer

الكورس ده عبارة عن 29 ساعة  يعني لو كل يوم شوفتوا ساعة هتخلصوه في أقل من شهر

في الكورس ده هتتعلموا : اساسيات تصميم الجرافيك زي الالوان ، التايبوجرافي أو فن الخطوط والكتابة

هتكتشفوا المراحل المختلفة اللي بتمر بيها عملية التصميم

هتتدربوا على : برامج زي اليستريتور ، فوتوشوب وان ديزاين

***

3. Become a Customer Service Specialist

عايزة اقولكم ان الكورس ده حلو جدًا لأننا كنا اتلكمنا قبل كدا عن 5 وظايف تقدروا تبدأوا فيهم مش محتاجين خبرة كان من ضمنهم الدعم الفني ، شوفوا البوست كامل من هنا

***

4. Become a Digital Marketing Specialist

الكورس ده عبارة عن26  ساعات و 44 دقيقة يعني لو كل يوم شوفتوا ساعة هتخلصوه في أقل من شهر ان شاء الله

في الكورس ده هتتدربوا على : استخدام اعلاات جوجل واحصائيات وتحليلات جوجل

Google Analytics & Google Ads

هتعرفوا اكتر عن : وسائل التسويق المختلفة زي السوشيال ميديا والبريد الالكتروني أو الايميل

هتصمموا : خطط تسويقية باستخدام

Adobe Suite

***

5. Become a Data Analyst

الكورس ده عبارة عن 23 ساعة و 33 دقايق يعني لو كل يوم شوفتوا ساعة هتخلصوه في أقل من شهر

في الكورس ده هتتعلموا : مهارات تقنية في مجال تحليل البيانات

هيبقى عندكم مهارات وخبرة في أدوات تحليل البيانات المطلوبة في سوق العمل

هتكتسبوا مهارات زي العمل الجماعي والتواصل ومهارة حل المشاكل

***

6. Become a Financial Analyst

الكورس ده عبارة عن 17 ساعة و10 دقايق  يعني لو كل يوم شوفتوا ساعة هتخلصوه في أقل من شهر

في الكورس ده هتتعلموا : ازاي تقدموا اقتراحات وترشيحات في مجال البيزنس والاستثمار

هتقروا وتحللوا الحالات المادية لحالات مختلفة

هتقدروا تعملوا تحليل اساسي للبيانات المالية

***

7. Become a Sales Representative

***

8. Become a Project Mananger

***

9. Prepare for the CompTIA Network+ (N10-007) Certification

الكورس ده عبارة عن 22 ساعة و 46 دقيقة يعني لو كل يوم شوفتوا ساعة هتخلصوه في أقل من شهر

في الواقع ان انا معنديش أي فكرة ايه موضوع الكورس ده بس اللي فهمته انه بيجهزكم عشان تجتازوا امتحان

the CompTIA Network+ (N10-007)

فـ لو حد يعرف اكتر عن المجال ده اكتبوا لنا في كومنت وهضيف كلامكم للبوست هنا عشان الكل يستفيد

***

***

دلوقتي بقى مع الكورسات المجانية اللي بتضيف لكم مهارات حياتية وعددهم 4 كورسات

كورسات مجانية من لينكد ان لتنمية المهارات الحياتية

1. Finding a Job during Challenging Economic Times

الكورس ده بيتكلم عن ازاي تلاقوا شغل سواء سبتوا الشغل بتاعكم أو ساعات العمل بتاعتكم تم تقليصها ، ازاي تعملوا خطة للتعافي من ازمة ان مفيش شغل وان الفرص المتاحة قليلة كمان الكورس بيتطرق لحاجات زي المهارات اللي محتاجينها عشان تجتازوا مقابلة العمل أو الـ

Interview

***

2. Master In-Demand Professional Soft Skills

الكورس ده حلو جدا وعاجبني اوي وشايفاه مناسب لأي حد مهما كان مجاله ، بيتكلم عن الذكاء العاطفي وازاي تتعاملوا مع المواقف اللي بتكون مش متوقعة ، ازاي تتعاملوا بشكل صحيح مع الناس سواء ناس معاكم في فريق العمل أو ناس في مرتبة وظيفية أعلى

***

3. Digital Transformation in Practice: Virtual Collaboration Tools

الكورس ده بيتكلم عن التحول الرقمي اللي موجود الايام دي ، وازاي ان بدل ما كل حاجة كانت على ورق بدأت الدنيا تتغير وكل حاجة بتتجه لاستخدام الاجهزة الالكترونية ، الكورس مش مجرد بيحكي لنا الموضوع لآ ده بيقولنا ازاي احنا كمان نواكب العصر والتكنولوجيا ازاي نعمل الاجتماعات اونلاين وازاي نستخدم الخدمات المتاحة عشان ننفذ بيها شغلنا

***

4. Diversity, Inclusion, and Belonging for All

الكورس بيتكلم عن التنوع والاندماج والتعاون وازاي نتعامل مع ناس بالرغم من اختلاف ثقافتنا عنهم او الاختلاف اللي ما بينا وازاي نتعامل مع العيوب اللي موجودة فينا ونستفيد منها اقصى استفادة

***

وبكدا نكون وصلنا لنهاية البوست ، اكتبوا لي في كومنت ايه الكورس اللي عجبكم؟ عن نفسي اشتركت في كورس الجرافيك ديزاين ولما اخلصه بإذن الله هشترك في كورس من كورسات المهارات الحياتية أو الـ soft skills

.

وشكرًا عشان وصلتوا للنقطة دي وإى اللقاء في بوست جديد

دمتم بود

***

Instagram| Facebook | Youtube

***

اخترت لك :

مصادر مجانية لتعلم مهارات اللايف كوتشينج

مصادر لصور مجانية لمحتوى احترافي

فيديو : ازاي نعمل تصاميم مجانية بطريقة سهلة عشان نكسب من مجال الطباعة بالطلب؟