اتعلمي التصميم والرسم الرقمي في ورشة فردية أونلاين

نفسك تتعلمي الرسم الرقمي أو تصميم الأسماء أو تعمل تصميماتك بنفسك باستخدام كانفا، لكن مش عارفة تبدأي منين؟

دلوقتي تقدري تتعلمي معايا من خلال ورش تعليمية فردية أونلاين، مصممة علشان تساعدك تتعرفي على الأدوات الأساسية وتطبقي بنفسك على مشروع عملي خطوة بخطوة.

الميزة في الورشة الفردية إن كل التركيز بيكون معاكي، وبنتعلم بالسرعة المناسبة ليكي، مع فرصة إنك تسألي عن أي خطوة أو أداة محتاجة تفهميها.

اختاري الورشة المناسبة ليكي

تقدري تختاري واحدة من 3 ورش، حسب المجال اللي حابة تتعلميه:

1. ورشة رسم الفيكتور آرت (Vector Art)

اتعلمي أساسيات رسم الفيكتور آرت، وتعرّفي على أهم الأدوات اللي هتساعدك تحوّلي أفكارك لرسومات رقمية واضحة وجذابة، من خلال تطبيق عملي تنفذيه معايا خطوة بخطوة.

2. ورشة تصميم الأسماء المتداخلة

اتعلمي إزاي تصممي الأسماء المتداخلة بطريقة فنية مميزة، وتعرفي على الأدوات والخطوات اللي بتساعدك تنفذ تصميمك بنفسك، بداية من التعرف على البرنامج لحد الوصول للنتيجة النهائية.

3. ورشة التصميم باستخدام كانفا

لو حابة تبدأي في عالم التصميم، هتتعرفي على واجهة كانفا وأهم الأدوات اللي هتحتاجيها، وبعدها هننفذ مع بعض تصميم عملي يساعدك تفهم إزاي تستخدمي الأدوات وتوظفيها في تصميماتك.

بنعمل ايه في الورشة الفردية ؟

كل ورشة بتستمر من ساعة ونصف إلى ساعتين، وبتتم أونلاين من خلال Google Meet، وبتنقسم إلى مراحل بسيطة:

المرحلة الأولى: التعرف على البرنامج والأدوات

هنبدأ بالتعرف على واجهة البرنامج المستخدم في الورشة، وأهم الأدوات اللي هتحتاجيها علشان تقدري تنفذي المشروع العملي.

المرحلة الثانية: التطبيق العملي خطوة بخطوة

هنشتغل مع بعض على مشروع حقيقي، وهتتعلمي إزاي تستخدمي الأدوات اللي اتعرفتي عليها علشان تنفذي التصميم بنفسك، مع توضيح الخطوات والإجابة عن أسئلتك أثناء التطبيق.

المرحلة الثالثة: مشروعك الخاص وشهادة الحضور

بعد انتهاء الورشة، هيكون عندك مشروع تطبيقي تنفذيه بنفسك، وتبعتيلي النتيجة بعد ما تخلصي، وكمان هتحصلي على شهادة حضور للورشة اللي شاركتي فيها.

إمتى هتكون الورشة؟

هنحدد موعد الورشة بالتنسيق مع بعض، علشان نختار يوم ووقت مناسبين لينا إحنا الاتنين.

كل اللي محتاجه إنك تكون مستعد للتعلم والتطبيق، وتجهيز البرنامج المستخدم في الورشة قبل موعدنا وبقولك على كل التفاصيل دي على الواتساب قبل الاشتراك في الورشة.

جاهزة تبدأي رحلتك في التصميم؟

سواء كنتي مبتدئة تمامًا أو عندك فكرة حابة تتعلمي تنفذيها، اختاري المجال اللي يناسبك، وتواصلي معايا عشان تعرفي تفاصيل الورشة والأسعار والمواعيد المتاحة.

ابدأي بخطوة بسيطة، واتعلمي مهارة جديدة تقدري تطبقها بنفسك!