معرض أعمالي

كل اسم وراه حكاية

دايمًا بحس إن كل اسم وراه حكاية وقصة ، وكل فنان وله طريقته في التعبير عن القصة دي بتفاصيلها ، وانا بحب اعبر عن تفاصيل القصة بالخطوط والألوان ، دلوقتي تقدر تطلب تصميم لاسمك أو لاسم شخص بتحبه ، كل اللي عليك تعمله إنك تتواصل معانا

مش مجرد شاشة

بحب اوي احول كل حاجة حواليا لقطعة فنية ومن ضمن الحاجات دي شاشة الجوال ، لأنها تقريبًا اكتر حاجة بنشوفها ونبص لها كل يوم ، عشان كدا حبيت اعمل تصاميم مميزة وفريدة من نوعها كل ما نشوفها نحس بمشاعر ايجابية

مش مجرد تصاميم

من زمان وأنا كان عندي حلم إني احول التصاميم بتاعتي لمنتجات اشوفها والمسها ، وعشان كدا بدأت ركن تحفة اللي بعمل فيه تصاميم بنفسي واطبعها على منتجات وحلمي ان المنتجات دي تكون في كل بيت وتلمس قلوبكم زي ما لمست قلبي أول مرة شوفتها مطبوعة

رسومات لطيفة

أنا دايمًا بحب التحديات ، وزي ما المثل المصري بيقول ؛ بحب اعمل من الفسيخ شربات 😂 ! أول مرة سمعت عن الرسم الرقمي عجبني جدًا بس كان التحدي الحقيقي ازاي ارسم رسومات رقمية من غير آيباد وبرنامج بروكرييت الشهير ، لقيت كذا طريقة من ضمنهم تابلت الجرافيك بتاعي ، فكرت في الناس اللي معندهاش تابلت جرافيك ممكن تعمل ايه ؟ وهنا جت لي فكرة رسومات الفيكتور Vector Art
وفعلا انا كمان حبيت رسم الفيكتور جدًا جدًا