اهلا بيكم في مدونتي – بسم الله نبدأ

السلام عليكم ورحمة الله وبركاته

بسم الله نبدأ – أهلا بيكم في مدونتي

هلا هلا في أول بوست ليا هنا ف الأول احب اقول لكم اهلا بيكم في مدونتي التحفة عالمي، الصغير وصوتي إلى العالم

انا مبسوطة انكم بتقروا الكلام ده وانكم هنا

اسمي سلمى بحب حاجات كتيرة جدًا الطبخ الجرافيك ديزاين الزراعة الالوان التريكو الكيميا وغيره كتير عشان كدا حبيت اشارككم اهتماماتي هنا في تحفة

الحكاية بدأت لما من كذا سنة قررت ان يبقى عندي موقع خاص بيا وخبرتي ف المجال ده كانت صفر قررت ابدأ من الأول خالص واعمل كل حاجة بنفسي حاولت اتعلم برمجة واكواد وبعد كدا الدنيا مظبطتش

فـ عملت لنفسي مدونة صغيرة على بلوجر وبعد كدا قعدت اقرا اكتر ف الموضوع لحد ما توصلت ان بلوجر عقيم جدًا وصعب اوي اني اوصل للناس منه

وبعد دراسة وابحاث وبعد اكتر من كذا سنة الحمدلله قدرت اخيرًا اني اعمل لنفسي موقع شكله يرضيني عشان يكون مدونتي مكاني الخاص عالمي الصغير وصوتي إلى العالم

مني ليكم

لو مش عارفين يعني ايه مدونة فـ كلمة مدونة جاية من التدوين، مكان بكتب فيه بوستات عن مواضيع مختلفة بدون فيه افكاري وآرائي وتجاربي، انا بحب اكتب عن حاجات كتيرة جدًا

هنا هتلاقوا بوستات عن وصفات طبخ خطوات اكل صحي معلومات طبية بس ببساطة افضل العروض ع منتجات بحبها ازاي نخلي حياتنا أحلى عناية بالبشرة والشعر كلام عن البيزنس وازاي نكسب فلوس من البيت ريفيوهات عن مطاعم ومحلات وحاجات تانية كتيرة جدًا

كمان إن شاء الله هنزل بوستات هنا بشكل منتظم اكتر 3 بوستات ف الاسبوع و هتكلم عن مواضيع كتيرة جدًا

يا رب الموقع الجديد يعجبكم وتستفيدوا منه وكمان مرة احب اقول لكم اهلا بيكم في مدونتي التحفة اهلا بيكم ! وبس كدا ده كان بوست النهارده

.

شكرًا عشان وصلتوا للنقطة دي

متنسوش تعملوا لنا فولو ع انستجرام ولايك ع بيدج الفيسبوك عشان يوصلكم كل جديد

دمتم بود وإلى اللقاء في بوست جديد