تجربتي مع كورسيرا

ندوس عليها هيفتح لنا الشكل ده

نكتب الاسم و الايميل و الباسوورد اللي عايزينه لاكونت كورسيرا، وتقدروا تعرفوا كل حاجة عن الايميل وازاي بيتعمل من هنا

بعد كدا ندوس

Join for free

الخطوة اللي بعد كدا هى اننا نفتح الايميل بتاعنا هنلاقي رسالة جت من موقع كورسيرا عشان نأكد الاكونت بتاعنا ده ، الرسالة فيها لينك ندوس عليه او ندوس ع الزرار الاخضر اللي ظاهر

و بكدا نتنقل لموقع كورسيرا و نبدأ نشوف الكورسات الموجودة، ممكن لو في حاجة معينة ف بالنا نعمل عليها سيرش او من 

explore

نشوف ايه المجالات الموجودة و نتفرج ع الكورسات

هنا مثلا عملت سيرش عن كورسات ماركتنج هيطلع لي النتايج دي و اقدر اتحكم ف الفلاتر اللي ف الجمب انا عايزة الكورس لغته الاساسية ايه ؟ الترجمة اللي بتطلع تكون لغتها ايه و هكذا

ندخل بقى ع الكورس اللي يعجبنا و نختار من اليمين كلمة

enroll

و المنظر ده بيظهر لنا لو الكورس مجاني، و ممكن نطلب دعم مادي

في بعض الكورسات مش بتكون مجانية و بيديك مهلة 7 ايام تجربة بس تتفرج ع بعض محتويات الكورس عشان تقرر هتكمل و تدفع فلوس و لا لأ

لما ندوس ع 

Apply for financial aid

كدا احنا بنقدم طلب ع الدعم المادي هتفتح لنا الصفحة اللي ف الصورة دي بنعمل صح فيها جمب الكلام المكتوب ان المعلومات اللي هندخلها مظبوطة و اننا هنخلص الكورس  ده، و ننقل الجملة المكتوبة تاني اننا موافقين يعني ع الشروط دي

بعد كدا تفتح لنا الصفحة دي بنكتب فيها البيانات المطلوبة، الدرجة التعليمية اللي وصلنا لها ، الدخل بالدولار، انا بكتب رقم بسيط لأن مفيش دخل تقريبًا ! اين الدخل انا لا اراه

?

الحالة الوظيفية ، طالب و لا شغل بدوام جزئي و لا كلي و غيره ، و بعد كدا نيجي للكلام المهم بقى الاسئلة المقالية دي ، لازم اجابتهم متقلش عن 150 كلمة، ف اللي بعمله هو اني بفتح فايل وورد عشان ميزته انه بيعد عدد الكلمات المكتوبة و اطلق لخيالي العنان بقى عشان اجيب الرقم ده

أول سؤال انت مقدم ع الدعم المادي ليه ؟ تاني سؤال ازاي الكورس ده هيساعدك ف الكارير بتاعك ؟ تالت سؤال هل تقبل ان انت تدفع الفلوس بدين بفوايد قليلة ؟ و لو اختارنا لأ يبقى نكتب لهم السبب

بعد كدا بنستنى اما يجي لنا الميل و لو اتقبل الدعم بيكون بالشكل ده و نبدأ الكورس و كله يبقى تمام

عشان مطولش ف البوست ده اكتر من كدا فـ ان شاء الله البوست ده لِه جزء تاني هحكي لكم فيه بالتفصيل عن الكورس اللي باخده دلوقتي ، أول ما اخلصه ان شاء الله هحكي لكم التجربة بالكامل، عملت ايه و استفدت و لا لآ ؟ و لو في اي استفسارات ف الخطوات اللي قلتها دي اكتبوها ف كومنت و هجاوبكم عليها ان شاء الله

بس كدا و لحد هنا خلص بوست النهارده !

.

شكرًا عشان وصلتوا للنقطة دي

لو شايفين البوست فيه معلومات مفيدة انشروه بين صحابكم و اعملوا لهم منشن و ساعدوني انه يوصل لأكبر عدد ممكن

دمتم بود

يلا نبقى أصدقاء هناك كمان

Youtube | Instagram | Facebook

اخترت لك:

كورسات من يوديمي ببلاش

روتين ما قبل النوم لأيام مليانة انجاز

ازاي نكسب فلوس من انستجرام -طريقة بسيطة وأي حد يقدر يعملها

???