نبات البوتس – التحدي الأسبوعي #2

أهلا يا أصدقاء ! أسبوع جديد وتحدي جديد لـ مصممين الجرافيك المبدعين ، جاهزين ؟ يلا بينا 🚀

نبذة مختصرة عن التحدي :

ده الاسبوع رقم 2 من التحدي الاسبوعي للمصممين ، حقيقي متحمسة جدًا لتحدي الأسبوع ده لأنه الموضوع بتاعه من الحاجات اللي بحبها جدًا

وتقدروا تشوفوا كل التحديات القادمة وتفاصيل اكتر عن ايه أصلًا التحدي الأسبوعي لمصممي الجرافيك في بوست التحدي الأسبوعي لـ مصممين الجرافيك – طلع الابداع اللي جواك

التحدي الأسبوعي لـ مصممين الجرافيك الأسبوع رقم 2

نوع التصميم : تصميم للسوشيال ميديا

الابعاد المطلوبة : 1350* 1080 px

تفاصيل عن التصميم Design brief

متجر النباتات The Plant Shop بيقدم عدد كبير من النباتات اللي نقدر نعتني بيها في البيت ، وكـ نوع من التسويق بالمحتوى قرر يقدم بوستات على السوشيال ميديا فيها معلومات عن النباتات المنزلية اللي بيتم بيعها في المتجر ، والنبات اللي هيتكلم عنه في التصميم هو نبات البوتس

المطلوب : تصميم أنيق ومريح للعين لبوست للسوشيال ميديا ، به شكل نبات البوتس ، يمكن استخدام أي صور أو أشكال جرافيك من اختياركم مع اضافة النص القادم وكتابة اسم المتجر على السوشيال ميديا في البوست

@ThePlantShop123