لو نفسك تجرب الرسم الرقمي لكن ماعندكش آيباد أو تابلت جرافيك؟ 👩🎨
في الفيديو ده على قناتي في يوتيوب، شرحت خطوة بخطوة إزاي تقدر ترسم بطيخة بسيطة ولطيفة باستخدام اللابتوب أو الكمبيوتر والماوس فقط، وعلى برنامج مجاني متاح للجميع.
كمان البرنامج ده هتلاقوا له كورس مجاني تقدروا تتفرجوا عليه وتتعلموا البرنامج من الصفر لحد الاحتراف وتقدروا تطبقوا كل الخطوات بكل سهولة ، انصحكم تشوفوا الكورس هيفيدكم جدًا
هنا هشاركك الأدوات، نصايح سريعة تفيدكم ، وباليتة الألوان اللي استخدمتها عشان تقدر تجرب بنفسك.
ولأني لاحظت ان كتير منكم عنده اسئلة عن الرسم الرقمي فـ هنحاول نخليها سلسلة أسبوعية ، بحيث انها تبقى ضمن التحدي الأسبوعي ، وكل أسبوع يبقى في رسمة جديدة
الأدوات اللي هتحتاجها:
- لابتوب أو كمبيوتر عادي.
- ماوس (أي ماوس عادي جدًا).
- برنامج الرسم : انكسكيب.
باليتة الألوان 🎨
دي الألوان اللي استخدمتها في الرسمة، مع الأكواد عشان تقدر تستعملها بسهولة:
نصائح سريعة للمبتدئين:
- استخدم الـ Layers (الطبقات) عشان تعدّل كل جزء لوحده بسهولة.
- كبّر حجم الكانفس (ورقة الرسم الرقمية) عشان الماوس يبقى التحكم فيه أدق ، انا بستخدم هنا 2000*2000 بيكسلز
- ما تضغطش على نفسك بالنتيجة النهائية، التجربة نفسها ممتعة ومهمة.
- مع التكرار هتلاقي إيدك اتعودت على الرسم بالماوس.
شاهد الفيديو:
هنا هتلاقي الفيديو كامل فيه شرح عملي خطوة بخطوة:
جرّب بنفسك!
دلوقتي دورك إنك تفتح البرنامج وتبدأ ترسم. جرب باليتة الألوان اللي فوق وشوف هيطلع معاك شكل البطيخة إزاي.
ولو جرّبت الرسمة، شاركني النتيجة و ابعتها ليا على إنستجرام وهنشرها هنا باسمك ان شاء الله
ولو عجبك الشرح، اشترك في القناة عشان يوصلك كل جديد من دروس الرسم الرقمي للمبتدئين.
