هلا يا أصدقاء ! من لما بدأت شرح وتعليم ادوبي اليسترتيور ودايمًا بتيجي لي تعليقات من ناس كتيرة ان المشكلة اللي بتواجههم ان برنامج ادوبي اليستريتور هو برنامج مدفوع
عشان كدا حبيت ادور على بديل لبرنامج اليستريتور ، وفي نفس الوقت يكون بديل قوي ، ونقدر نعمل بيه تصاميم احترافية ، عشان كدا في البوست ده هنشرح برنامج Inkscape من أول ازاي نحمله ، ونتعرف على الواجهة بتاعته سوا مع بعض ، وكمان نعمل بيه مشاريع احترافية نقدر نكسب بيها فلوس
فـ دلوقتي بقى يلا بينا نبدأ في :
كورس تعليم Inkscape
الدرس 1 : تحميل البرنامج والتعرف عليه
في أول درس من دروس تعليم Inkscape هنعرف ازاي نحمل البرنامج بشكل مجاني تمامًا ، وشكل البرنامج عامل ازاي من جوا ، وهنعرف بعض الحاجات المهمة سريعًا ، زي الأدوات والألوان وازاي نحفظ ملف العمل وازاي نستخرج منه الصور بخلفية شفافة
نقدر نحمل برنامج Inkscape لأي نظام تشغيل زي Windows, Mac and Linux من موقع InkScape الرسمي
الدرس 2 : خيارات الألوان الداخلية والخارجية
في الدرس ده هنتكلم عن ازاي نتحكم في الألوان ونغيرها سواء ألوان الـ Fill or Stroke
الدرس 3 : كيفية الكتابة والتحكم في النصوص
في الدرس التالت من كورس انك سكيب المجاني هنتعلم ازاي نكتب نص في انك سكيب ، وازاي نتحكم في النص ده وايه الخيارات المختلفة اللي نقدر نستخدمها في التغيير والتعديل على النصوص
الدرس 4 : رسم الأشكال المختلفة
في الدرس ده هنتعلم ازاي نرسم أشكال مختلفة ، زي الأشكال الأساسية : الدائرة والمربع ، وازاي نرسم أشكال تانية مختلفة زي المثلث والنجمة والسداسي وكل الأشكال متعددة الأضلاع ، وكمان هنعرف شوية حركات حلوة جدًا لتغيير الأشكال وازاي نحولها من أشكال بسيطة لأشكال احترافية اكتر
الدرس 5 : أدوات الرسم الحر والفرش المختلفة
في الدرس الخامس من كورس انك سكيب المجاني هنتعلم ازاي ممكن نرسم رسم حر على انك سكيب وايه الأدوات اللي بنستخدمها في الرسم ده
ازاي الخطوط تطلع معانا ناعمة وانسيابية ، وايه الفرش المختلفة الموجودة في انك سكيب
كمان الدرس ده هنعرف منه ازاي نقدر نعمل تصاميم مختلفة زي اللي بتتعمل بالايباد مع برنامج بروكرييت Procreate
الدرس 6 : عمل مجموعات وخواص أخرى
في الدرس ده هنعرف اكتر ازاي نعمل مجموعات Groups ، وهنتعرف على خواص تانية مهمة نقدر نتحكم عن طريقها في العناصر في برنامج انك سكيب
الدرس 7 : التحكم في الطبقات
في الدرس ده هنعرف اكتر عن الطبقات Layers Panel وازاي نتحكم فيها وقد ايه بتسهل علينا شغلنا لأن عن طريقها نقدر نخلي شغلنا يبقى منظم وبتساعدنا نتحكم في أي عنصر في المشروع بتاعنا
الدرس 8 : رسم الخطوط والمنحنيات Bezier Tool
في الدرس ده هنعرف اكتر عن الأداة اللي بنرسم بيها منحنيات وخطوط مستقيمة Bezier Tool ، الأداة شبيهة جدًا للـ Pen Tool اللي موجودة في illustrator ، ونفس الاستخدام ، بنرسم بيها خطوط ومنحنيات ومسارات ونقدر نرسم بيها أشكال مختلفة
الدرس 9 : رسم الأشكال المعقدة من الأشكال البسيطة
في الدرس ده هنتعلم ازاي نرسم اشكال معقدة من أشكال بسيطة زي المربع والدائرة والنجمة ، وازاي ندمجهم مع بعض عشان نطلع بشكل معقد اكتر
كمان حضرت لكم للدرس ده ملف تدريب ، تقدروا تحملوه بشكل مجاني ، وتطبقوا كل التفاصيل والخواص اللي في الدرس عشان الموضوع يبقى أسهل بالنسبة لكم
ملف التدريب
كمان حضرت لكم للدرس ده ملف تدريب تقدروا تحملوه بشكل مجاني وتطبقوا كل التفاصيل والخواص اللي في الدرس بشكل مباشر عشان الموضوع يبقى أسهل بالنسبة لكم
Video link
