ومعادنا النهارده مع تصميم احترافي للطباعة بالطلب ، تصميم جديد احترافي تقدروا تعملوه بكل سهولة ، وهتلاقوا هنا كل التفاصيل اللي هتساعدكم تطبقوا على الفيديو ده زي الألوان اللي استخدمتها والخطوط اللي عملت بيها التصميم وتحملوها منين كمان
ازاي عملت تصميم احترافي للطباعة بالطلب ؟
استخدمت برنامج ادوبي اليستريتور في التصميم ، وكل العناصر اللي في التصميم رسمتها بنفسي ، هتلاقوا الطريقة بالتفصيل في الفيديو ، مفيش أي عناصر أو فيكتور حملتهم
ازاي لقيت فكرة تصميم احترافي للطباعة بالطلب ؟
عشان نلاقي أفكار جديدة وندور على تصميم احترافي للطباعة بالطلب في أكتر من طريقة ، بس من أكتر الطرق اللي بحبها هى استخدام ميرش انفورمر Merch informer
حبيت آخد شوية أفكار عن التصاميم اللي ليها علاقة بالصيف ، فـ عملت بحث على ميرش انفورمر Merch Informer وكتبت في البحث كلمة Summer
ولقيت مجموعة تصاميم وأفكار جميلة جدًا جدًا ومن ضمنهم التصميم ده
تقدروا تعملوا ايه باستخدام ميرش انفورمر Merch Informer ؟
ولو مش عارفين ميرش انفورمر فـ هى أداة ممتازة جدًا لكل اللي عايزين يكسبوا من الطباعة بالطلب ويحترفوا المجال ده
تقدروا عن طريق الأداة دي تعرفوا ايه التصاميم الترند وتلاقوا أفكار كتيرة جدًا للتصاميم اللي هتعملوها ، وكمان تعرفوا مدى التنافس على التصميم والمبيعات والريتينج وتفاصيل تانية كتيرة جدًا
Merch Informer
أداة رائعة جدًا ، بتساعدكم في زيادة المبيعات والأرباح من مواقع الطباعة بالطلب المختلفة زي ميرش باي امازون ريد بابل وغيره
شوفوا شرح للأداة بالتفصيل في الفيديوهات دي :
كود خصم 20% : tohfaworld
التصميم النهائي :
وده كدا شكل التصميم بتاعنا لما يتطبع على تي شيرت أسود و تي شيرت أبيض ، ايه رأيكم ؟ شاركوني في التعليقات
الألوان المستخدمة :
طبعًا تقدروا تستخدموا نفس الألوان اللي استخدمتها بالظبط أو أي ألوان تحبوها
الخطوط المستخدمة :
الخطوط المستخدمة في التصميم ده خطوط مدفوعة ، يعني عشان نحملها ونشتغل بيها ونكسب منها تجاريًا لازم نشتريها عشان نحصل على الحقوق دي
عشان كدا استبدلتهم بخطين تانيين تقدروا تحملوهم من الروابط القادمة ، وتقدروا تستخدموهم استخدام شخصي أو تجاري زي ما تحبوا من غير ما تدفعوا فلوس خالص
الخط الأول :
الخط اللي كتبت بيه كلمة hello اسمه Angista Script
الخط الثاني :
اللي كتبت بيه كلمة SUMMER اسمه Boba Cups
متنسوش تبعتوا لي التصاميم بتاعتكم على انستجرام وفيسبوك عشان انشرها هنا باساميكم
اخترت لك :
التصميم الأكثر مبيعًا للطباعة بالطلب ! صممه بنفسك الآن بكل سهولة
شكرًا عشان وصلتوا لهنا ودمتم بألف خير
