اهلا يا اصدقاء اتكلمنا في الفيديو اللي فات عن طريقة للـ ربح من انستجرام عن طريق اننا نعمل اكونت غير شخصي نقدم عليه محتوى او صور في اي مجال تخصص نكون مهتمين بيه او عندنا فكرة عنه حتى لو بسيطة
في البوست ده هقولكم ع اكتر من ١٠ مجالات تخصص او نيش لاكونتات انستجرام غير شخصية تقدروا تختاروا منهم المجال اللي يعجبكم وتبدأوا من دلوقتي ، وكمان هنتكلم عن ايه البراندات والشركات او الاشخاص اللي هيكونوا العملاء المحتملين بتوعنا بعد كدا عشان نتواصل معاهم يعلنوا عندنا
افكار لاكونتات (حسابات) غير شخصية للـ ربح من انستجرام
1- اعمال يدوية زي الكروشيه التريكو او الخياطة
ممكن التخصص بتاعكم يكون الاعمال اليدوية وتقدروا تتخصصوا اكتر بأنكم تختاروا مجال واحد بس زي كروشيه او تريكو او الخياطة (الحياكة) أي نوع اعمال يدوية ، تنشروا فيه صور لأعمال يدوية جميلة وصور ابر وخيوط بكر صوف وغيره
افكار الاعلانات
- محلات الادوات المستخدمة في الحرفة دي زي الابر وخيوط الصوف والات الحياكة (مكن الخياطة)
- المحلات اللي بتبيع منتجات هاند ميد (يدوية الصنع)
- الاشخاص اللي عندهم حسابات بينشروا فيها شعلهم
- الاشخاص اللي بتقدم كورسات أو دروس تعليمية في المجال ده
2- طبخ
اذا عندكم حب او شغف بمجال الطبخ او بتحبوا الاكل ف المجال ده مناسب ليكم ، تقدروا تعملوا اكونت ع انستجرام في مجال الطبخ ، ممكن كمان يبقى متخصص اكتر يعني مثلا في مجال الحلويات المشويات الاكل النباتي او الاطباق الرئيسية
افكار للاعلانات
- براندات الادوات اللي بتستخدم في المطبخ زي العجان الخلاط البلندر او ادوات المطبخ زي الحلل والطاسات والمعالق
- الناس اللي بتقدم محتوى في المجال ده كتير جدا ، الناس اللي بتقدم وصفات طبخ
- الناس اللي بتقدم محتوى عن ستايل الطعام او ال food stylist
- الناس المتخصصة في تصوير الطعام food photographer
- مطاعم الاكل المختلفة
- كورسات لتعليم الطبخ او ال food styling او تصوير الطعام
3- حيوانات اليفة
لو عندكم اهتمام بأي نوع من الحيوانات الاليفة و الافضل ان الحساب يكون بيركز ع نوع واحد بس القطط الكلاب الهامستر ، نوع واحد فقط تقدروا تعملوا اكونت ع انستجرام ف التخصص ده
افكار للاعلانات
- ادوات العناية بالحيوانات الاليفة
- براندات ومحلات بيع اكل الحيوانات الاليف
- حسابات تانية مهتمة بالمجال ده
- عيادات ومراكز الاهتمام بصحة الحيوانات الاليفة
- ادوات الاهتمام بالحيوانات
4- ديكور البيت
لو عندكم اهتمام ولو بسيط بديكور البيت سواء نجف أو فازات ، اباجورات ، براويز مرايات ، أي منتاجات تخلي شكل البيت أجمل يبقى ده التخصص المناسب ليكم
افكار الاعلانات
- منتجات ديكور البيت المختلفة ، اضاءة اباجورات مفارش
- الناس اللي بتصمم منتجات ديكور يدوية
- مهندسين الديكور اللي ليهم تواجد ع انستجرام وبيروجوا لنفسهم عليه
- براندات البويه وطلاء الحوائط
- براندات وشركات ورق الحائط ، السيراميك وكل أغراض توضيب وتشطيب الشقق
5- موبايلات
لو عندكم اهتمام بالموبايلات وبتحبوا تعرفوا ايه الموديل الجديد اللي نزل وايه المميزات بتاعته ولو بتحبوا تتفرجوا ع اكسسوارات الموبايلات تقدروا تفتحوا اكونت عن المجال ده
افكار الاعلانات
- محلات بيع الموبايلات
- الاكسسورات بتاعت الموبايلات زي cover الموبايل
- براندات الحاجات اللي ليها علاقة بالموبايلات زي باور بنك سماعات شاحن وغيره
- الناس اللي بتعمل ريفيوهات للموبايلات وعندهم قنوات يوتيوب تقدروا تتواصلوا معاهم وتنشروا الفيديوهات بتاعتهم في ستوري عندكم كإعلان وتحطوا اللينك عشان تزودوا لهم عدد المشاهدات
6- كتب
لو عندكم شغف للكتب والروايات وبتحبوا القراءة عمومًا ، ممكن تعملوا اكونت ع انستجرام بيتكلم عن الكتب الروايات الاقتباسات وكل اللي بيحبوه القراء
افكار الاعلانات
- متاجر بيع الكتب
- متاجر ومحلات بيع ادوات القراءة زي كيندل (تابلت مخصص للقراءة) فواصل القراءة وغيره
- تطبيقات القراءة زي وجيز واقرأ لي وكتاب صوتي
- حسابات الناس المهتمة بالقراءة والكتب والروايات وعايزين عدد اكبر من المتابعين
7- ادوات مكتبية
كل واحد فينا عنده منتج أو حاجة معينة لما يشوفها مش بيقدر يقاومها وبيتسمتع وهو بيتفرج عليها او بيشتريها ، بيشتري منها كتير حتى لو مش محتاجها او بيستخدمها ، أحب اقولكم ان “سمر” صديقيتي العزيزة بتستمتع جدا لو دخلنا محل أو مكتبة ووقفنا في الركن الخاص بالاقلام والكشاكيل والـ Notebooks
فـ لو انتم كمان عندكم نفس الاهتمام ده تقدروا تفتحوا اكونت ع انستجرام عن الادوات المكتبية أو القرطاسية زي ما بيسموها في بعض البلاد العربية
افكار الاعلانات
- براندات بيع الـ Notebooks و البلانرز
- محلات بيع المنتجات دي سواء اونلاين أو لومحلات ليها تواجد ع أرض الواقع
- محلات بيع الادوات المدرسية زي الاقلام دوسيهات الاشخاص المهتمين بالتدوين الورقي والتخطيط والـ Bullet Journaling
8- اثاث
لو عندكم اهتمام بأثاث البيت ، وازاي نجيب عفش واثاث لغرفة مساحتها صغيرة ولو غرفة مساحتها كذا فإيه القطعة الانسب ليها ولو ده شكل الكنبه فـ ايه افضل ترابيزة تتحط معاها وهكذا يبقى ده المجال الأنسب ليكم
افكار للإعلانات
- محلات الاثاث
- مكاتب تصميم الديكور اللي بتكون مسئولة عن شراء الاثاث للعملاء بتوعهم
- مصممين الاثاث
- أي حد بيدي نصائح لفرش البيت له تواجد ع يوتيوب أو انستجرام
9- اكسسوارات ومجوهرات
لو عندكم اهتمام بالمجوهرات والاكسسوارات فـ ممكن يكون الحساب بتاعكم ع انستجرام عن المجوهرات سواء ذهب فضة الماس و الأحجار الكريمة
أفكار للإعلانات
- محلات المجوهرات
- براندات الاكسسوارات والاحجار الكريمة
- كورسات تصميم المجوهرات والاكسسوارات
- حسابات الفاشونيستا المهتمات بالاكسسوارات
- حسابات تنسيق الملابس والاكسسوارات المناسبة لها
10- سيارات
لو عندكم اهتمام بالسيارت والموديلات الجديدة اللي بتنزل، ايه خصائص ومزايا كل سيارة ، بتحبوا تتفرجوا ع العربيات والاكسسوارات بتاعتها فـ ده مجال مناسب ليكم
أفكار للإعلانات
- معارض بيع السيارات
- براندات اكسسوارات السيارات زي غطاء السيارة ، الشماسة ، دواسات السيارات وغيره
- حسابات الاشخاص اللي بيعملوا ريفيوهات ومراجعات للسيارات ولهم تواجد ع اليوتيوب أو انستجرام
- محلات تأجير السيارات
- براندات مستلزمات السيارات زي زيت السيارة
- متاجر وورش تصليح السيارات
11- تصميم الشعارات
لو عندكم اهتمام بالتصميم أو حتى بتحبوا تتفرجوا ع شعارات ولوجوهات حتى لو مش بتعرفوا تصميم جرافيك فـ ممكن يكون حسابكم بيتكلم عن الشعارات والتصميم والمصممين
أفكار للإعلانات
- مصممين الجرافيك والشعارات ممكن يعلنوا عندكم
- شركات الـ Branding وتصميم الشعارات والهويات
- كورسات التصميم ودورات تعليم تصميم الجرافيك
ولحد هنا خلص بوست النهارده، لو عجبك البوست متنسيش تعملي له شير مع اصدقائك ، واكتبي لي في كومنت أي مجال من دول عجبك اكتر ؟
.
شكرًا عشان وصلتوا للنقطة دي ! إلى اللقاء في بوست جديد
ودمتم بخير
?يلا نبقى اصدقاء هناك كمان
Instagram | Facebook | Pinterest
اخترت لك:
الله المعين حبيبتي بجد مقال تحفة زي حسابك التحفة تحفة. شكرا جزيلا على المعلومات القيمة.
شكرًا جزيلا على كلامك الرائع ! بالتوفيق لكِ دائمًا عزيزتي ^_^
معلومات جميله ومتعوب عليها تسلمي
شكرا جزيلا يا اسماء ^_^ ده من ذوقك
شكرا جدا ليكي بجد .. بس عندي استفسار صغير يعني لو انا بحب الطبخ مثلا يبقي اعمل اكونت وانزل وصفات لشيفات يعني مش شرط ليا طيب وكده هكسب ازاي بقي عشان الحته دي مش واضحه بالنسبالي؟
جميل جدا استفدت من الافكار الرائعه
يعطيك العافيه
عفوًا ، شكرًا جدا للتفاعل وبالتوفيق يا رب