اهلا وسهلا بيكم في بوست جديد وفيديو جديد النهارده هنتكلم عن ازاي نلاقي شغل اونلاين مضمون نوعًا ما لأنه بمرتب ثابت كل شهر مش زي الشغل الحر العادي اللي ممكن شهر يكون في شغل كتير ودخل كبير وشهر تاني الدنيا تكون هادية والدخل نوعًا ما قليل
في الفيديو ده هنتكلم عن موقع بعيد بالتفصيل ازاي نعمل اكونت عليه وايه المجالات المختلفة اللي نقدر نشتغل فيها وازاي نلاقي شغل اونلاين مضمون وبمرتب ثابت زي الشغل العادي لكن من البيت
بعد ما نعمل اكونت على موقع بعيد زي ما شوفنا في الفيديو نقدر نقدم على وظايف في مجالات كتيرة زي البرمجة والتطوير ، التسويق والمبيعات ، مجال الكتابة والترجمة ، وظائف تصميم ، وظائف في مجال الادارة ووظائف في مجال الدعم الفني
كل وظيفة بيكون ليها المتطلبات بتاعتها عشان نتقدم لها ، في شركات بتكون سايبة الايميل بتاعها واحنا مفروض نتواصل معاها عن طريقه بحيث اننا نبعت البيانات والسيرة الذاتية بتاعتنا ع الايميل ده ، وفي وظايف تانية نقدر نتقدم لها عن طريق موقع بعيد نفسه زي ما شوفنا في الفيديو بيكون في مكان اننا نكتب بياناتنا ونعمل ابلود للسيرة الذاتية بتاعتنا
طبعًا الدنيا دلوقتي اتغيرت كتير عن قبل كدا والسي في أو السيرة الذاتية مبقتش بس مجرد ورقة ابيض واسود وبما ان ده شغل اونلاين فـ كل ما السيرة الذاتية تكون مميزة وملفتة للنظر كل ما فرصتنا اننا نتقبل في الوظيفة دي تبقى اكبر ! لأن تخيلوا معانا الشخص اللي مسئول عن انه يبص على كل السير الذاتية المبعوتة له هيحملها كلها عنده ع اللابتوب أو الكمبيوتر وبعدين يفتحهم ، لو السيرة الذاتية نفسها من بره شكلها جذاب ده هيشجع الشخص المسئول انه يفتحها ويبص فيها لكن لو قدامه مثلا 10 سير ذاتية كلها ابيض واسود ما عدا واحدة ملونة وجذابة ! اكيد دي هتلفت النظر وتشد اكتر
خدمة السيرة الذاتية الاحترافية لـ شغل اونلاين مضمون
احنا بنقدم خدمة على خمسات وهى اننا بنصمم لكم سيرة ذاتية احترافية باللغة الانجليزية أو العربية ونساعدكم تعملوا سيرة ذاتية بروفيشنال ولو مش عارفين ايه البيانات أو المهارات اللي تكتبوها بنساعدكم في ده بردو وبتطلع لنا سيرة ذاتية جميلة سواء فيها صورة شخصية أو لأ وكل ده مقابل 5$ فقط للسيرة الذاتية الواحدة ، تقدروا تدخلوا ع الخدمة من هنا
نقاط ونصايح عشان نتقبل بسهولة في الوظيفة اللي نقدم عليها
التقديم على الوظيفة أول بأول
كل ما قدمتوا على الوظيفة أول ما تنزل وهى لسه احدث كل ما كانت فرصتكم انكم تتقبلوا في الوظيفة تكون اكبر
التركيز على نقاط القوة والتميز
لما نيجي نقدم ع شغل هنلاقي خانة مكتوب فيها نبذة عنك المكان ده لازم نستغله ونكتب فيه كلام مميز جدًا ويلفت الانتباه لينا ، ركزوا ع نقاط القوة اللي عندكم وايه المميزات اللي موجودة فيكم تخليكم مختلفين عن غيركم مثلًا بتنجزو الشغل بشكل اسرع ، بتقدموا تقارير يوميو بشكل منظم اكتر ، عنجكم خبرة كبيرة في المجال ده
سيرة ذاتية مميزة
لما نعمل ابلود للسيرة الذاتية سواء ع موقع بعيد أو لو هنبعتها ع الايميل نبعت السيرة الذاتية بصيغتين ملف بي دي اف وكمان صورة ، لأن الملف البي دي اف مش بيبقى باين من بره شكل اللي جواه ايه ، لكن الصورة بيكون باين شكل مصغر منها وبتكون ملفتة للنظر وده هيشد الشخص اللي بيختار بين السير الذاتية المختلفة انه يختار السيرة الذاتية بتاعتنا واننا نتقبل في الوظيفة دي ويبقى عندنا شغل اونلاين مضمون
وزي ما اتفقنا ان السيرة الذاتية نفسها تكون مميزة وجذابة ومختلفة
آخر حاجة حابة بس الفت الانتباه لأنه لما تتقبلوا في الغل لازم تتناقشوا مع الشركة اللي اتقبلتوا فيها ايه الضمانات اللي تضمن لكم حقوقكم وانهم هيلتزموا ويدفعوا المرتب في الوقت المحدد عشان تضمنوا حقوقكم
تاني نقطة متقبلوش أي شغل تحسوا ان المقابل المادي بتاعه قليل مقارنةً بالمجهود اللي هتعملوه وعدد ساعات العمل
بس كدا ولحد هنا خلص بوست النهارده عن موقع بعيد اللي نقدر من خلاله نلاقي شغل أونلاين من البيت وبمرتب شهري كأننا بالظبط موظفين بس من البيت
.
شكرًا عشان وصلتوا للنقطة دي وإلى اللقاء في بوست جديد
دمتم بود
?يلا نبقى اصدقاء هناك كمان
Instagram | Facebook | Pinterest
***
اخترت لك:
خمس وظائف اونلاين لا تحتاج لخبرة
شرح كامل لموقع مستقل
