تصميم جرافيك بالموبايل لـ تي شيرت من ايتسي واستراتيجية لمضاعفة الأرباح

دايما بيجي لي سؤال هل نقدر نشتغل تصميم جرافيك بالموبايل ؟ السؤال ده بيتكرر كتير جدًا لما بنشر فيديو لتصميم جديد للطباعة بالطلب أو لمجال تاني

ولاحظت من تعليقاتكم ورسايلكم انه فعلًا في ناس كتيرة عندها عائق أو عقبة مانعاها من انها تبدأ في أي حاجة ، والعقبة دي هى ان مفيش كمبيوتر أو لابتوب متوفر ، والمتاح بس هو الموبايل

عشان كدا تصميم النهارده هنعمله كله بالموبايل وكمان باستخدام تطبيق أو ابليكيشن مجاني نقدركلنا نحمله ونستخدمه بكل سهولة

ازاي لقيت التصميم ده ؟

التصميم ده لقيته وانا بدور على ميرش انفورمر على تصاميم جديدة ، وميرش انفورمر هى أداة احترافية للطباعة بالطلب بتساعدكم في حاجات كتيرة جدًا زي انكم تلاقوا افكار جديدة ، تعرفوا المنافسة على تصميم أو نيش معين عاملة ازاي وامكانيات تانية كتيرة جدًا

Merch Informer

أداة رائعة جدًا ، بتساعدكم في زيادة المبيعات والأرباح من مواقع الطباعة بالطلب المختلفة زي ميرش باي امازون ريد بابل وغيره

شوفوا شرح للأداة بالتفصيل في الفيديوهات دي :

شرح أداة ميرش انفورمر بالتفصيل

ازاي نلاقي التصاميم الترند

ميرش ديزاينر

كود خصم 20% : tohfaworld

اشترك الآن

استراتيجية لمضاعفة الأرباح في الطباعة بالطلب

التصميم ده نقدر نعمل منه لكل أفراد العيلة ودي استراتيجية لزيادة ومضاعفة الارباح في الطباعة بالطلب ، يعني الشخص بدل ما يشتري تي شيرت واحد فقط لابنه او بنته ممكن يشتري اكتر من تي شيرت لكل اولاده مرة واحدة

التصميم اللي اخترناه ده ميزته انه نقدر نطلع منه بأكتر من تصميم ، يعني نقدر نغير الكلام المكتوب فـ يطلع لنا تصميم تاني ، ونقدر نبدل الوردة اللي في النص بشكل مختلف ويطلع لنا تصميم غيره

مقالة تهمك : افضل خطوط الطباعة بالطلب – خطوط هتنقل تصاميمك حتة تانية

مميزات التصميم :

من مميزات التصميم ده انه ينفع يتطبع على تي شيرت لونه غامق أو تي شيرت لونه فاتح زي ما هو من غير ما نحتاج نعدل على التصميم الأصلي وفي كل الأحوال هيطلع شكله جميل بردو

التطبيق المستخدم في التصميم بالموبايل

عشان نشتغل تصميم جرافيك بالموبايل لازم يكون معانا ابليكيشن احترافي بيطلع لنا شغل حلو ، التطبيق اللي استخدمته في التصميم ده هو تطبيق كانفا Canva

وهو تطبيق مجاني تقدروا تحملوه من الـ Play Store و Apple Store ، الابليكيشن فيه خطة مجانية وخطة مدفوعة Pro ، وفيه امكانيات كتيرة جدًا

واحنا النهارده هنستخدم بس الخطة المدفوعة في التصميم بتاعنا

اقرأ ايضًا : تصميم مفتاح العودة وازاي نعمل أنماط الكوفيه الفلسطــ ينية

الكلمات المفتاحية المستخدمة أثناء التصميم بالموبايل

العناصر اللي استخدمتها عشان اوصل لها لازم اكتب كلمة معينة في البحث والكلمات اللي استخدمتهم النهارده كالتالي :

• Retro flower

وده عشان يطلع لي شكل الوردة بالستايل الستيناتي أو الشكل الريترو

• Star

وده عشان يطلع لي شكل النجمة اللي استخدمتها في تزيين التصميم

الألوان المستخدمة

اعتمدت في التصميم على ألوان الريترو ، ودي الألوان اللي استخدمتها بالأكواد بتاعتها

وتقدروا تحملوا الصورة اللي جاية دي وترفعوها على كانفا وتاخدوا منها الالوان وانتم شغالين زي ما عملت في الفيديو

اقرأ أيضًا : أفضل مواقع الطباعة بالطلب لدخل مادي يُعتمد عليه

الخطوط المستخدمة

زي ما شرحنا في الفيديو ، لو احنا مشتركين في الخطة المدفوعة فـ نقدر بكل سهولة نرفع الخطوط اللي عايزينها على كانفا ونشتغل بيها ، لكن ده مش متاح في الخطة المجانية ، عشان كدا هنستخدم خط من الخطوط المتوفرة في كانفا المجاني

الخط اللي استخدمته اسمه

Lucky Bones

وهو خط مجاني تمامًا نقدر نستخدمه زي ما نحب

اقرأ أيضًا : اكتر من 20 فكرة لنيش مربح في مجال الطباعة بالطلب

الخط الأصلي للتصميم

الستايل الريترو للتصميم ده بيطلع حلو جدًا بنوعين خط والخطين دول اساميهم هى :

• Groovy Abstract
• Janice

وبالفعل استخدمنا واحد من الخطوط دي واحنا بنعمل التصميم ده على اليستريتور قبل كدا

متنسوش تبعتوا لي تطبيقاتكم على الفيديو ده على رسايل فيسبوك وانستجرام ، هنشرها هنا باساميكم ان شاء الله