اهلا وسهلا يا أصدقاء في قائمة بـ أفضل مواقع رسومات مجانية ! اكيد كلنا بنحتاج في التصاميم بتاعتنا رسومات مهما كان نوع التصاميم اللي بنعملها اكيد لو في مصدر لرسومات جاهزة نقدر نستخدمها على طول بكل سهولة الموضوع هيبقى اسهل بكتير
ويا سلام لو كانت الرسومات دي مجانية عشان كدا في بوست النهارده جمعت لكم اكتر من خمس مصادر رسومات مجانية رائعة واحترافية ، تقدروا تستخدموها في التصاميم بتاعتكم ، سواء في تصاميم السوشيال ميديا أو في الموقع بتاعكم أو بأي طريقة تحبوها
رخصة استخدام الرسومات
رخصة استخدام الرسومات من المصادر اللي هنتكلم عليها النهارده بتختلف من موقع للتاني ، في منهم اللي بيسمح لنا اننا نحمل الرسومات بشكل مجاني ونقدر نستخدمها استخدام شخصي أو تجاري أو بأي طريقة نحبها بينما في مواقع تانية بتسمح بالاستخدام الشخصي فقط ، ومواقع تانية بتسمح بالاستخدام الشخصي أو التجاري بس مع ذكر المصدر وهكذا وعشان تتأكدوا بنفسكم من رخصة استخدام أي موقع تقدروا تكتبوا اسم الموقع وتكتبوا جمبه license عشان تفتح لكم الصفحة اللي فيها الرخصة وتفاصيل الاستخدام للموقع
صيغة تحميل الاشكال الجرافيك من مواقع الرسومات المجانية
صيغ تحميل الرسومات المجانية والاشكال الجرافيك من المواقع مختلفة ومن ضمنها :
- PNG
صور بخلفية شفافة تقدروا تستخدموها على طول في أي تصميم تحبوه
- SVG
ملفات قابلة للتعديل تقدروا تعدلوا على الالوان بحيث تناسب التصاميم بتاعتكم اكترممكن تفتحوها ببرنامج مدفوعة زي اليستريتور Adobe Illustrator أو ببرامج مجانية زي Inkscape
- .Ai
ملفات نقدر نفتحها ببرنامج اليستريتور Illustrator
مواقع تحميل رسومات مجانية :
ملحوظة : تقدروا تضغطوا على اسم أي موقع عشان يفتح لكم
الموقع ده هو اللي استخدمناه كمثال في فيديو ازاي نعمل تصاميم مجانية للطباعة بالطلب
عجبتني فكرته ، المصمم صاحب الموقع قرر انه يعمل تحدي مع نفسه ويرسم رسمة جرافيك كل يوم ، ويرفع كل الرسومات دي على الموقع ده ويخليها متاحة للتحميل بشكل مجاني ، وصالحة للاستخدا الشخصي أو التجاري الموقع هتلاقوا عليه رسومات متنوعة ومختلفة وعن مواضيع كتيرة جدًا ونقدر نحمل كل الترسومات والاشكال الجرافيك دي مرة واحدة أو نحمل اللي عايزينه بس ومتاح اننا نحملهم بكل الصيغات دي AI, SVG, PNG, EPS
and Figma
موقع unDraw تم انشاؤه سنة 2017 ، في فنانة اسمها كاترينا هى اللي فتحت الموقع ده وصممت كل الاشكال الجرافيك اللي عليه ، وبالفعل الموقع عليه اكتر من 500 رسمة أو شكل جرافيك في مجالات مختلفة لحد دلوقتي وبتسمح لزوار الموقع بانهم يدخلوا يحملوا من عليه الملفات اللي تعجبهم بشكل مجاني
نقدر نحمل الملفات من الموقع بكل سهولة بالصيغتين PNG & SVG والميزة التحفة بقى هى اننا نقدر نغير ألوان التصميم من الموقع نفسه والرخصة بتاعت الرسومات دي هى اننا نقدر نستخدمها في اي تصميم سواء تصميم موقع ، تصميم سوشيال ميديا وغيره بس بشرط ان الرسمة اللي نستخدمها تكون جزء من التصميم اللي بنعمله مش هى العنصر الاساسي في التصميم
هنا هتلاقوا مكتبة كبيرة جدًا فيها رسومات كتيرة اوي ، تقدروا تختاروا أي رسمة فيهم وتحملوها بشكل مجاني ، متاح التحميل ب3 اشكال أو صيغ وهما PNG, SVG & Ai
كمان تحت كل رسمة هتلاقوا كلمة license أو الرخصة اللي غالبًا بتكون متاحة للاستخدام الشخصي أو التجاري من غير ذكر المصدر
في شخص اسمه جيمس دالي عمل الموقع ده عشان يساعد بيه المصممين واي شخص محتاج رسمة جرافيك بشكل مجاني ومعندوش الخبرة الكافية انه يصمم ويرسم أو لأي سبب من الاسباب عايز رسومات جاهزة على طول الموقع فيه اكتر من 50 رسمة بنمطين أو 2 ستايلات مختلفة صالحين للاستخدام الشخصي والتجاري ونقدر نحملهم بالصيغتين PNG & SVG
الموقع ده فيه رسومات واشكال جرافيك كتيرة جدا بأنماط مختلفة واكتر من ستايل ، تقدروا تحملوها من عليه وتستخدموها بشكل شخصي او تجاري والرخصة بتاعت الرسومات دي هى اننا نقدر نستخدمها في اي تصميم سواء تصميم موقع ، تصميم سوشيال ميديا وغيره بس بشرط ان الرسمة اللي نستخدمها تكون جزء من التصميم اللي بنعمله مش هى العنصر الاساسي في التصميم ومش محتاجين نذكر المصدر أو نعمل Attribution كمان نقدر نغير الالوان قبل ما نحمل الرسمة أو الشكل اللي عايزينه ونقدر نحمله بصيغتين PNG & SVG
الموقع ده فيه رسومات كتيرة نقدر نستخدمها بشكل مجاني ، الرسومات اللي فيه هنلاقي فيها أشخاص وده باين من اسمه Humaaans أو بمعنى بني آدمين ، وده باين من اسمه ، هنلاقيه متميز بستايل رسم معين بيعتمد على وجود أشخاص في أي رسمة
والجميل في الموقع ده اننا نقدر نغير الوان هدوم أو ملابس الشخصيات اللي في الرسومات وكمان نغير شعرهم أو لو عايزين نخلي البنت محجبة أو نغير شكل الشعر مثلا بحيث نغير الستايل بتاع الشخصية خالص ولو مثلا الشخص جالس نقدر نغير حتى في وضعية قدمه وساقه ، يعني مثلا عايزينه يحط رجل على رجل وتفاصيل تانية ممتعة جدًا جدًا
الموقع ده من أحدث المواقع اللي بتقدم لنا رسومات مجانية ، نقدر نستخدم الصور استخدام تجاري أو استخدام شخصي
كمان نقدر نحمل الرسومات بالصيغتين PNG & SVG
***
وبكدا نكون وصلنا لنهاية بوست النهارده يا أصدقاء ! لو تعرفوا موقع رسومات كمان اكتبوا لنا اسمه في الكومنتات عشان نضيفه للبوست والكل يستفيد
.
شكرًا عشان وصلتوا للنقطة دي وإلى اللقاء في بوست جديد ! دمتم بألف خير
اخترت لك:
ازاي نعمل موك اب Mock up ؟ بأكثر من طريقة
أكثر من سبعة مواقع لـ اختيار الوان متناسقة لأعمالك
سلسلة فيديوهات جديدة ! شرح وتعليم ادوبي اليستريتور من الصفر للاحتراف ***
يلا نبقى اصدقاء هناك كمان
***