مصادر مجانية لصور رائعة لمحتوى احترافي

مصادر محانية لصور عالية الجودةة

أهلا يا اصدقاء ! النهارده هقولكم ع مصادر مجانية لصور رائعة وحلوة جدا بجودة عالية تقدروا تستخدموها في تقديم محتوى احترافي

مصادر مجانية لصور عالية الجودة

أي محتوى بتقدموه بغض النظر عن المنصة اللي بتقدموه عليها اكيد هتحتاجوا له صور بجودة عالية واضاءة حلوة والتصوير بتاعها بروفيشنال ، ممكن ميكونش عندكم الوقت الكافي او الامكانيات المناسبة اللي تخليكم تقدروا تصوروا صور حلوة وتعدلوا عليها لحد ما توصلوا للنتيجة المرضية ليكم وأكيد طبعًا منقدرش نستخدم أي صور من جوجل أو بينتريست لأننا منعرفش رخصة الصور دي وهل اصحابها سامحين باستخدامها ولا لآ

 

 

استخدام الصور المجانية

نستخدم الصور دي في ايه؟

الصور دي تقدروا تحملوها من المصادر اللي هقولكم عليها تحت وتستخدموها في حاجات كتيرة جدا زي انكم تستخدموها في التصاميم بتاعتكم سواء كنتم مصممين جرافيك وبتحتاجوا صور في تصميم اعلان مجلة غلاف كتاب وهكذا نستخدمها في الديزاين

 

تقدروا تستخدموها لمحتوى انستجرام ، أيًا كان مجال تخصصكم تقدروا تعملوا سيرش ع صور في مجالكم وتنشروها ع انستجرام وتكتبوا تحتها اللي انتوا عايزينه أو تعملوا عليها تعديل زي انكم تكتبوا عليها حاجة مثلا وبعد كدا تنشروها زي الصور اللي بنزلها ع انستجرام الغالبية العظمى من المواقع دي وبعمل عليها تعديل بسيط ! بحط التاتش بتاعي عليها وانزلها ع انستجرام زي البوست ده كدا

View this post on Instagram

أهلا يا اصدقاء ?⠀⠀⠀⠀⠀⠀⠀⠀⠀ في حكمة جميلة بتقول لو مسألتش الاجابة دايما هتكون لأ⠀⠀⠀⠀⠀⠀⠀⠀⠀ .⠀⠀⠀⠀⠀⠀⠀⠀⠀ .⠀⠀⠀⠀⠀⠀⠀⠀⠀ احيانا بنتحرج اننا نسأل أو نطلب حاجة وده بيضيع مننا فرص كتير ، لو طلبنا وسألنا هيكون عندنا فرصة واحتملل اننا ناخد الجاجة اللي عايزينها ، لكن لو مسألناش ف بنسية مية ف المية مش هناخد اي حاجة ⠀⠀⠀⠀⠀⠀⠀⠀⠀ .⠀⠀⠀⠀⠀⠀⠀⠀⠀ .⠀⠀⠀⠀⠀⠀⠀⠀⠀ لما سألت وطلبت أخدت حاجات عمري ما كنت اتخيل اني آخدها ، يمكن احيانا كانت الاجابة لأ ، بس اكيد كان في مرات الاجابة ايوا⠀⠀⠀⠀⠀⠀⠀⠀⠀ .⠀⠀⠀⠀⠀⠀⠀⠀⠀ .⠀⠀⠀⠀⠀⠀⠀⠀⠀ في فرص كتير ممكن تاخدوها بس لازم تسألوا عليها الاول وتطلبوها ، اكتبوا لي في كومنت هل عمركم دورتوا ع الفرصة وطلبتوها ول دايما منتظرين ان الفرصة تيجي لكم ؟⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ ——————————–⠀⠀⠀⠀⠀⠀⠀⠀⠀ اعملوا فولو وفعلوا الاشعارات عشان يوصلكم كل جديد ⠀⠀⠀⠀⠀⠀⠀⠀⠀ @tohfaworld ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ ———————————————⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ #ريادة_اعمال #ريادة_الأعمال #ريادي #مشروع #علامة_تجارية #استشارات #فرصة #تسويق_الكتروني #بزنس #أعمال #تطوير_ذاتي #تحفيز_نفسي #تطوير #ريادة #طور_نفسك #طور_ذاتك #طور_فنك #تنمية_ذات #تطوير_النفس #محتوى

A post shared by تحفة | Money Making tips (@tohfaworld) on

لو عندكم مدونة أو بلوج زي مدونتي العزيزة دي كدا اكيد هتحتاجوا صور سواء عشان البوستات اللي ع المدونة أو صور تستخدموها في التصميم بتاع المدونة نفسه كخلفيات وغيره ، مع ان التدوين اغلبه بيعتمد ع المتابة والكلام لكن صورتين أو تلاتة في كل بوست بيدوا مظهر حلو جدا للبوست والمدونة بتاعتكم والشخص اللي بيقرا بيكون مستمتع وهو بيتفرج ع المحتوى بتاع المدونة كله ع بعضه سواء كلام أو صور ، وطبعًا الصور دي لازم تكون جودتها عالية عشان تلفت النظر وتفتح نفس الشخص اللي بيقرا البوستات بتاعتكم انه يكمل ويقرا اكتر ، فـ لو مفيش وقت او امكانية اننا نصور صور حلوة خاصة بينا يبقى نستغل المصادر المجانية ونستفيد من كل الفرص المتاحة قدامنا

الصور دي مسموح استخدامها في ايه؟

كل المصادر اللي هقولكم عليها مسموح ليكم تستخدموا الصور اللي فيها في أي مكان وأي استخدام سواء استخدام شخصي مش الهدف منه الربح

وكمان مسموح تستخدموها استخدام تجاري بس تحطوا لمستكم عليها ، يعني من حقكم تستخدموا الصور دي في كتاب وتبيعوه أو في أي تصميم بتشتغلوا عليه وهتاخدوا في المقابل فلوس

وكل ده بشكل مجاني ومش لازم تعملوا 

Attribution 

وده معناه انكم مش لازم تذكروا مصدر الصور دي جاية منين

ايه الممنوع ؟

الحاجة الوحيدة الممنوعة في الصور دي اننا نحمل الصور ونبيعها في موقع تاني من غير أي تعديل عليها كأن احنا اللي مصورينها ، كمان مينفعش ننسب الصور لنفسنا ، احنا مش مضطرين نقول مصدرها أو جايبينها منين لكن كمان مينفعش نكتب تحت الصور انها من تصويرنا وهى مش كدا

دلوقتي بقى يلا بينا نبدأ في مواقع و مصادر مجانية لصور احترافية بجودة عالية

أي موقع من دول تقدروا تضغطوا ع اسمه عشان تروحوا عليه

Pexels

كل الصور اللي ع موقع بيكسلز تحت رخصة اسمها 

CC0 = Creative Commons Zero

يعني نقدر نستخدم الصور دي بأي شكل سواء نعدل عليها  ننشرها زي ما هى ، نستخدمها استخدام تجاري أو شخصي

الحلو في بيكسلز اننا مش بس نقدر نحمل كل الصور اللي تعجبنا ، لأ كمان نقدر نعمل اكونت عليه ونعمل حاجة اسمها مجموعات او

collections 

يعني انا دلوقتي بقلب من ع الموبايل ومش عايزة احمل الصور دي دلوقتي بس عجبتني وعايزة احفظها ع جمب عشان ارجع لها بسهولة واحملها عشان احطها في بوست ع المدونة هنا ، فـ اقدر اعمل كوليكشن مثلا اسميه طبخ أو اي اسم واضيف الصورة له

كمان لما تحملوا اي صورة بيظهر لكم اسم الشخص اللي صورها وحسابه ع انستجرام لو عايزين تعملوا له منشن او تاج لما تنشروا الصورة ، بس زي ما قلنا ده مش اجباري خالص ومش لازم تذكروا المصدر

Pixabay

الموقع ده عليه اكتر من مليون و800 ألف صورة بجودة عالية ، هو شبه بيكسلز تقدروا تحملوا من عليه صور كتيرة جدا وتقدروا تعملوا عليه اكونت ، بس اغلب الصور اللي عليه موجودة ع بيكسلز، لأن بيكسلز فيه عليه اكونت مشهور باسم بيكساباي بينزل عليه صور كتيرة من موقع بيكساباي

Unsplash

شعار الموقع هو الصور للجميع ،  تقدروا تعملوا عليه سيرش ع اي كلمة عايزينها وهتلاقوا كمية صور رهيبة

 

Picography

الموقع ده شعاره صور رائعة بجودة عالية وبالمجان ، تقدروا تعملوا سيرش ع الصورة اللي تحبوها او تختاروا قسم من الاقسام اللي فيه وتتفرجوا ع كمية كبيرة جدا من الصور عالية الجودة واللي متصورة بطريقة احترافية

Stokpic

في الموقع ده هتلاقوا كمية كبيرة جدا من الصور وكمان في اقسام كتيرة تقدروا تختاروا ما بينها وكمان تقدروا تشوفا آخر 100 صورة نزلت ع الموقع ، ده غير انكم تقدروا تشتركوا في النشرة البريدية بحيث الموقع يبعت لكم كل اسبوعين 10 صور جداد ع الايميل بتاعكم

View this post on Instagram

أهلا يا أصدقاء ! زي ما انتوا عارفين الصور بيكون ليها حقوق ومنقدرش نستخدم أي صور نلاقيها النهارده جايبة لكم خمس مواقع تقدروا تحملوا منها صور بجودة عالية وتقدروا تستخدموهم في أي مكان سواء استخدام شخصي أو تجاري، المقصود بالاستخدام التجاري ان ممكن مثلا تستخدموا الصور دي في ديزاينات وتبيعوها وغيره وكل ده بشكل مكاني تمامًا . . لو تعرفوا موقع كمان متقالش في البوست اكتبوه في الكومنتات عشان نستفيد كلنا ، وقولوا لي هتستخدموا الصور دي في ايه ؟ اعملوا فولو عشان يوصلكم كل جديد وفعلوا الاشعارات عشان تيجي لكم البوستات أول بأول @tohfaworld @tohfaworld @tohfaworld #محتوى #محتوى_عربي #ادارة #ناجح #التسويق_الرقمي #صناعة_محتوى #تطور #رواد #علامة_تجارية #صناع_المحتوى #سوشيال #مستقبل #هوية #هوية_تجارية #التصميم_الجرافيكي #اليستريتور #بلوجر #تدوين #المحتوى #رياديون #التسويق_الذكي #مشاريع_ناشئة #التسويق_الإلكتروني #رائد_أعمال #تجارة_إلكترونية #ماركتينج #مبادر #التسويق_بالمحتوى #محتوى_تسويقي #رواد_الأعمال

A post shared by تحفة | Money Making tips (@tohfaworld) on

وبكدا نكون وصلنا لنهاية بوست النهارده وقلنا مصادر مجانية لصور احترافية يا رب تعجبكم و يا رب تكونوا استفدتوا منه ، اكتبوا لي في كومنت هتستخدموا الصور في ايه ؟ 

.

شكرًا عشان وصلتوا للنقطة دي وإلى اللقاء في بوست جديد ! دمتم بخير

يلا نبقى اصدقاء هنا كمان

اخترت لك

افكار لحسابات غير شخصية للربح من انستجرام

 روتين قبل النوم لتحقيق الاهداف والانجاز اكثر

استراتيجية وخطة لزيادة التفاعل وعدد المتابعين + تحدي جديد لنمو حساب انستجرام

error

Enjoy this blog? Please spread the word :)