بعد ما نشرنا مجموعة تصاميم للطباعة بالطلب ومن ضمنها الكثير من التصاميم المربحة على ايتسي Etsy وتصاميم مشهورة على مواقع طباعة بالطلب تانية زي ميرش باي امازون Merch by Amazon وريد بابل Redbubble
جالي طلبات منكم اننا نعمل تصاميم للطباعة بالطلب باستخدام طرق وبرامج تصميم مجانية ، فـ حبيت النهارده اننا نستخدم برنامج مجاني ، تقدروا تحملوه بكل سهولة بشكل مجاني تمامًا وكمان طريقة استخدامه سهلة جدًا وشرحناه في فيديوهات سابقة لينا
البرنامج اللي هنستخدمه في تصميم النهارده هو برنامج انك سكيب Inkscape ، ويعتبر بديل مجاني كويس لبرنامج اليستريتور illustrator ، وتقدروا تحملوه بشكل مجاني وتشوفوا دروس مجانية لتعليمه من البوست ده
كورس تعليم برنامج Inkscape المجاني – بديل اليستريتور
ازاي بلاقي التصاميم المربحة على ايتسي Etsy ؟
بحب استخدم أداة ميرش انفورمر Merch informer وهى أداة احترافية للطباعة بالطلب ، ليها فوايد كتيرة جدًا ، وبتنقل شغلكم في الطباعة بالطلب لحتة تانية خالص ، انصحكم بالاشتراك فيها لو عايزين تاخدوا الطباعة بالطلب بشكل جدي أكتر وتشتغلوا فيه باحترافية
الأداة بتطلع لكم تصاميم ترندي وتصاميم مميزة وتقدروا تلاقوا عن طريقها ملايين الأفكار لتصاميم جديدة وفي أي مجال تحبوه
كمان مش بس بتشوفوا التصاميم اللي بيتم بيعها على ميرش باي امازون Merch by Amazon لا كمان تقدروا تشوفوا التصاميم اللي بيتم بيعها على ايتسي Etsy وغيره
اقرأ أيضًا : انقل تصاميمك لمستوى أعلى ! خطوط احترافية للطباعة بالطلب
تفاصيل عن تصميم القراءة – التصاميم المربحة على ايتسي :
جبت التصميم منين ؟
تصميم النهارده جبته عن طريق استخدام ميرش انفورمر ، بحثت عن التصاميم اللي عن الكتب والقراءة اللي بيتم بيعها في موقع ايتسي Etsy
البرنامج المستخدم :
استخدمت في التصميم ده برنامج انك سكيب ويعتبر بديل مجاني كويس لبرنامج ادوبي اليستريتور ، تقدروا تحملوا البرنامج على الكمبيوتر أو اللابتوب ، وتشتغلوا عليه من غير انترنت عادي
انك سكيب مش متاح ينزل على الموبايل أو الجوال في الوقت الحالي
الألوان المستخدمة :
دي باليته الألوان اللي استخدمتها ، وكل الأكواد الخاصة بالألوان ، عشان تقدروا تعملوا نفس التصميم بكل سهولة بنفسكم
اقرأ أيضًا : تصميم احترافي للطباعة بالطلب | أهلًا بالصيف
مقالة هتفيدك : تحدي تصميم الباترن ! وازاي نكسب من الباترن فلوس ؟
الخطوط المستخدمة :
استخدمت خطين في التصميم ، الخط الأول اسمه Angista Script ، تقدروا تحملوه بشكل مجاني
الخط التاني اسمه segoe print وده موجود مع برامج التصميم بشكل تلقائي
****
متنسوش تبعتوا لي تطبيقاتكم عشان هنشرها باساميكم هنا على المدونة
شكرًا عشان وصلتوا لهنا ودمتم بألف خير