اهلا يا اصدقاء ! يا رب تكونوا بألف صحة وخير في بوست النهارده هقولكم على خمسة بودكاست بحب اسمعهم لما بكون بعمل اعمال روتينية مش محتاجة تركيز كبير زي شغل البيت ، وانا بغسل الاطباق بنشر وبطبق الغسيل مثلًا
ايه هو البودكاست ؟
البودكاست هو محتوى صوتي ، حاجة شبه الراديو كدا ، كل اللي عليكم تعملوه هو انكم تفتحوا اي تطبيق من التطبيقات الخاصة بالبودكاست وتشغلوا أي حلقة تعجبكم وتسمعوها ، اللي بيعجبني كمان ان البودكاست مش محتاج كامل تركيزكم ، يعني مفيش فيديو بيشتغل فلازم تبصوا فيه ، وتقدروا تضلموا شاشة الموبايل وانتم بتتفرجوا عليه ، فموفر اكتر للبطارية ، وتقدروا كمان تسمعوه وانتوا في المواصلات أو طريق سفر ، بعكس القراءة او مشاهدة فيديو اللي بتضايقني جدًا لأن بيجي لي دوار لما احاول اركز بعيني في حاجة تانية غير الطريق
ممكن نسمع البودكاست على تطبيقات زي ايه ؟
في تطبيقات كتيرة تقدروا تحملوها على الموبايل ولو بس كتبتوا كلمة
Podcast
على البلاي ستور هتلاقوا عدد كبير جدا ، واغلب الناس اللي بتقدم بودكاست بتنزلها على اكتر من تطبيق وبتكون متاحة في كذا ابيليكشن
التطبيق اللي بستخدمه هو Google podcast
وهو تطبيق مجاني ، والجميل فيه انكم تقدروا تفتحوه من على الموبايل ومن على الكمبيوتر أو اللابتوب – أنا حقيقي بحب أي أداة ينفع افتحها من على الموبايل ومن على الكمبيوتر – تقدروا بكل سهولة تعملوا بحث عن البودكاست اللي عايزين تسمعوها أو الموضوع اللي حابين تسمعوا حد بيتكلم عليه وتكتشفوا بودكاست جديدة
الحلو كمان فيه هو انكم تقدروا تشتركوا في القناة بتاعت البودكاست اللي بتحبوه وعايزين تتابعوه وممكن تختاروا ان يجي لكم اشعار لما حلقة جديدة تنزل
في كمان تطبيقات تانية زي:
Stitcher
Castbox
البودكاست اللي بحب اسمعها:
في بوست النهارده هقولكم على أكتر خمسة بودكاست بسمعهم بالانجليزي ، وده لأن فعلًا اغلب الوقت بسمع بالانجليزي وده لأكتر من سبب من ضمنهم ان الموضوع ده بيحسن جدًا من مهارة الاستماع للغة عندي وكمان بستفيد جدًا من المعلومات القيمة الموجودة
أغلب البودكاست اللي هذكرها في البوست ده بتتكلم عن البيزنس والشغل والعمل الحر وصناعة المحتوى ، لكن لو في أي موضوع في بالكم تقدروا تعملوا بحث عليه هتلاقوا عنه حلقات وحاجات مفيدة جدًا ، زي مثلا الطبخ ، ترتيب البيت ، العناية بالنفس أي موضوع اكيد هتلاقوا حد بيقدم عنه بودكاست
ملحوظة : أي جملة بالأحمر وتحتها خط تقدروا تضغطوا عليها
أول بودكاست هى لميشيل جيفورد وهى زوجة وأم لخمس أطفال وسيدة أعمال ، وشغلها أونلاين ، بتتكلم فيها عن ازاي نكسب فلوس من صناعة المحتوى ، وايه الشروط اللي مهم تكون متوافرة في المحتوى بتاعنا وازاي ننظم وقتنا ونخطط له ، وازاي هى بتدير وقتها في وجود خمس أطفال ما شاء الله ومواضيع كتيرة جدًا هتفيدكم لو عندكم بيزنس اونلاين أو بتقدموا محتوى وكمان لو كنتم أمهات وظروفكم شبه ظروفها
نازل من البودكاست دي لحد دلوقتي اكتر من 100 حلقة ، وكل اسبوع بيكون في خلقة جديدة ، والحلو كمان انها كلها حلقات قصيرة ، مش طويلة ، حلقات لمدة ربع ساعة وفي اقل وفي اكتر
***
البودكاست دي بتتكلم عن كل ما يخص الفريلانسرز والناس اللي بتشتغل عمل حر على الانترنت ، لأنه مقدمة البودكاست بتشتغل كمصممة مواقع عن بعد Freelancer Web designer
فهتلاقوا فيها حلقات عن ازاي تسعدوا العملاء بتوعكم ، خطوات ونصايح للفريلانسرز الجدد ، وخطوات للعمل من المنزل ، وعن نفسي بستفيد جدًا من المواضيع اللي بتقدمها
***
موضوع البودكاست باين من اسمه ، وهو ازاي نحول المتابعين بتوعنا لعملاء ، فيها حلقات عن الاخطاء اللي ممكن ترتكبوها لو كنتم مدربين ، ومين الاحسن اليوتيوب ولا البودكاست ، ونبدأ بمين فيهم وليه
مدة الحلقات متنوعة ما بين التلت ساعة فيما فوق
***
البودكاست دي فيها اكتر من 100 حلقة ، وكل حلقة بتكون عبارة عن مقابلة مع شخص متخصص في مجال معين ، زي حلقة بيتكلموا فيها عن بناء وظيفة الاحلام ، وحلقة تانية بيتكلموا عن ازاي نبطل تفكير ونبدأ ننفذ ، الحلقات بتاعت البودكاست طويلة حوالي ساعة فيما فوق ومناسبة جدًا ولو كنتم مثلا على طريق سفر أو في رحلة طويلة وعايزين حاجة تشغلوها طول الطريق
***
البودكاست دي فيها حوالي 300 حلقة ، بتتكلم على ازاي ننجز الحاجات المهمة الأول ، وازاي نخلص اللي ورانا من غير ما حرقة اعصاب ونيجي على صحتنا، فيها نصايح كتيرة عن انجاز المهام ، وازاي نبني العادات وازاي نختار الاولويات بتاعتنا ، والحلو ان مدة الحلقات متنوعة ، يعني في حلقات ساعة وفي حلقات نص ساعة ، فتقدروا تختاروا المدة اللي تحبوها
السماعة اللي بستخدمها
احب اقولكم اني عرفت كذا بودكاست منكم لما سألتكم مرة في ستوري على انستجرام على اقتراحات بودكاست ، فـ قولوا لي في كومنت ايه التطبيق اللي بتسمعوا عليه بودكاست ، واقترحوا عليا بودكاست باللغة العربية بتحبوها، عشان اكتب بوست قريبًا عن مفضلاتي من البودكاست بالعربي
ولحد هنا خلص بوست النهارده
.
شكرًا عشان وصلتوا للنقطة دي وإلى اللقاء في فيديو جديد
دمتم بخير
***
?يلا نبقى اصدقاء هناك كمان
***
اخترت لك :
افكار لمتاجر مربحة في مجال الطباعة بالطلب
