الربح من تصميم ستوري انستجرام – ستوري رأي العملاء

الربح من تصميم ستوري انستجرام طريقة ناس كتيرة بتكسب منها فلوس ، وتقدروا تشوفوا ده بنفسكم على ايتسي Etsy

هتلاقوا على ايتسي ومواقع تانية متاجر متخصصة فقط في بيع منتجات رقمية زي ستوري انستجرام وبوستات للسوشيال ميديا وبيكسبوا منها آلاف الدولارات

المتاجر دي كمان واخدة تقييمات حلوة جدًا وكل تقييم من دول بيدل على مبيعة مؤكدة تمت في المتجر ده

ازاي نكسب فلوس من تصميم ستوري انستجرام ؟

أي حد بيستخدم انستجرام استخدام تجاري للبيزنس بتاعه أو لصناعة المحتوى بيحتاج مجموعة من الستوريز ينشرها في حسابه

الربح من ستوري انستجرام عن طريق تصميمها للعملاء

احنا نقدر نكسب من تصميم ستوري انستجرام عن طريق اننا نعمل تصاميم ونبيعها لصناع المحتوى واصحاب البيزنس عشان ينشروها في حسابهم

الربح من ستوري انستجرام عن طريق بيعها كقالب جاهز

وكمان نقدر نبيع الستوري كمنتج رقمي قابل للتعديل زي نماذج أو قوالب كانفا ، وهنا العميل مش بيتعامل معانا بشكل مباشر ، لآ هو بيشتري المنتج الرقمي اللي هو نموذج انستجرام ، وبيعدل عليه ويستخدمه زي ما يحب

وفي الفيديو ده شرحنا ازاي نعمل تصميم احترافي لستوري انستجرام نقدر نكسب منه فلوس

التطبيق المستخدم في تصميم ستوري انستجرام

استخدمت تطبيق كانفا من على الموبايل ، وتقدروا تحملوه بشكل مجاني

وكل اللي هنستخدمه عشان نطلع التصميم ده هو الخطة المجانية مش المدفوعة

الكلمات المفتاحية المستخدمة أثناء التصميم بالموبايل

كل أشكال الجرافيك اللي استخدمتها النهارده ليها كلمة مفتاحية معينة لازم اكتبها عشان تظهر لي ، والكلمات اللي استخدمتها هى :

Mobile Frame وده طلع لي اطار الموبايل اللي بقدر اضيف له أي صورة انا عايزاها
Star ودي عشان يطلع لي شكل النجمة اللي استخدمته في التصميم هنا استخدمت شكل النجمة البسيط اللي موجود مع الاشكال Shapes وتقدروا تستخدموا أي نجمة تانية تحبوها
Profile دي هنستخدمها لو معندناش صورة للعميل اللي كاتب الريفيو
Circle frame دي الدائرة اللي هنستخدمها لو عندنا صورة للعميل اللي كاتب لنا الريفيو

الصور المستخدمة

استخدمت صورة من على كانفا ، والكلمة اللي بحثت بيها هى كلمة Cooking

كمان ممكن تعملوا بحث بجملة cooked food on the table

وهتلاقوا الصورة اللي استخدمتها وسط الصور

الألوان المستخدمة

باليتة الألوان اللي استخدمتها تحسوها لايقة على الطبخ والتوابل والأجواء دي ، وتقدروا تستخدموا أي ألوان من اختياركم

ودي باليتة الألوان جاهزة على التحميل ، ممكن تحملوها وتستخدموها على طول زي ما عملت في الفيديو بالظبط

باليتة الوان للاستخدام - تصميم ستوري انستجرام

الخطوط المستخدمة

كل الخطوط اللي استخدمتها في التصميم هى خطوط مجانية ، تقدروا تستخدموها بكل سهولة

الخطوط اللي استخدمت اسمها :

Stazin ده الخط اللي استخدمته عشان اكتب بيه جملة “رأي العملاء”
29LT Baseet – Bold ده الخط اللي استخدمته في كتابة اسم العميل
29LT Baseet – Medium ده الخط اللي استخدمته عشان اكتب رأي العميل أو الريفيو بتاعه

شاركوني في التعليقات ايه احلى تصميم فيهم ومين الوانه أحلى

وكالعادة لو طبقتوا على الفيديو وعملتوا زي التصميم ده ابعتوا لي تطبيقاتكم على رسايل فيسبو ك وانستجرام ، هنشرها هنا باساميكم ان شاء الله