مصادر لتعلم تصميم الجرافيك للمبتدئين

مصادر مجانية لتعلم الـ جرافيك ديزاين

اهلا يا أصدقاء ! النهارده هقولكم ع مصادر مجانية لتعلم تصميم الجرافيك للمبتدئين وكمان هتفيدكم جدا حتى لو مستواكم كـ جرافيك ديزاينر متوسط وعندكم فكرة كويسة عن الـ جرافيك ديزاين

تصميم الجرافيك للمبتدئين

انصحكم تشوفوا الفيديو ده الأول فيه هتعرفوا منه ايه الخطوات العملية الللي تمشوا عليها وهتقدروا بعده يبقى عندكم خطة لتعلم الـ جرافيك ديزاين

الـ جرافيك ديزاين من الحاجات الحلوة جدا ، والشغل فيها ممتع جدا لأنه كله ألوان وأفكار وابداع وكمان تقدروا تكسبوا منه فلوس بأشكال كتيرة جدا سواء تشتغلوا كـ فريلانسرز في مجال تصميم الجرافيك أو تشتغلوا ع مواقع تبيعوا فيها التصاميم بتاعتكم ويبقى عندكم دخل سلبي تكسبوا منه فلوس حتى وانتم نايمين واتكلمنا عن افكار للدخل السلبي يقدر أي جرافيك ديزاينر يكسب منها فلوس تقدروا تشوفوها من هنا

كمان هتلاقوا في البوست ده مصادر لتعلم الـ جرافيك ديزاين بالانجليزي وكمان بالعربي عشان اللغة متبقاش عائق قدام أي حد

ودلوقتي يلا بينا نبدأ

كورسات و دورات لتعلم تصميم الجرافيك للمبتدئين و فيديوهات مفيدة لكل جرافيك ديزاينر في أي مرحلة

ملحوظة : أي جملة بالأحمر وتحتها خط تقدروا تدوسوا عليها عشان تنقلكم للرابط الخاص بيها

المصدر الأول لتعلم الـ جرافيك ديزاين اليوتيوب

اليوتيوب غني جدا بالفيديوهات القيمة وعايزة اقولكم انه كافي وافي انكم تتعلموا من عليه حاجات كتيرة جدا ويبقى عندكم خبرة رهيبة

اساسيات التصميم – مجموعة فيديوهات كل فيديو حوالي 6 أو 7 دقايق

تقدروا تشوفوها من هنا

جرافيك ديزاين كورس

زي ما اتفقنا في الفيديو ان لازم ولا بد تعرفوا بعض الاساسيات عن فن التصميم نفسه ، هو يشبه المنهج النظري شوية لكن مهم جدا وهيوفر عليكم وقت كتير بعد كدا ، سواء كانت معلومات عن الخطوط أو الصور وصيغ الصور ، أو مصطلحات ليها علاقة بالتعديل ع الصور نفسها وهكذا

***

تعليم ادوبي اليتسريتور من البداية واساسيات البرنامج وأدواته لتعلم الـ جرافيك ديزاين بالانجليزي

تقدروا تشوفوها من هنا

دورة تعلم ادوبي اليستريتور باللغة العربية

تقدروا تشوفوها من هنا

تعلم برامج التصميم المختلفة باللغة العربية

تقدروا تشوفوها من هنا

زي ما مثلا أي حد بيروح كورس عن فن الطبخ مش بيدخل في الوصفات ع طول لآ الأول بيتعلم ازاي يمسك السكينة ويقطع بيها وايه السكينة المناسبة لكل نوع لحم مثلا
فـ نفس الحكاية في تعلم الجرافيك ديزاين ، في الأول لازم تتعلموا برنامج ادوبي اليستريتور ، وتعرفوا كل اداة ممكن يتعمل بيها ايه وازاي نستخدمها بشكل صح ، والقوائم الموجودة دي فيها ايه ونستخدمها ازاي

ودي بردو خطوة مهمة في تعلم تصميم الجرافيك لأن برامج ادوبي مش من البرامج السهل اننا نتعلمها مع نفسنا ، يعني انا فاكرة ان مثلا برامج الـ 

Microsoft Office

زي باور بوينت و word

اتعلمتهم زمان جدا ومن غير ما اشوف فيديوهات ، يعني بـ مجرد ما نفتح البرنامج نقعد نجرب في شوية حاجات بنفهم ع الاقل الاساسيات لكن برامج ادوبي مش كدا خالص

***
فيديوهات تطبيق ع اللي اتعلمتوه من الدروس اللي فاتت – هتتعلموا منها تقنيات ف الجرافيك ديزاين هتفيدكم وهتعملكم تغذية بصرية عشان يبقى عندكم افكار اكتر وقدرة اكبر ع الابداع

اضغطوا هنا

تطبيق على تصميم الشعارات – لوجو ديزاين – زي ازاي لوجو حاجات مشهورة اتعملت زي لوجو جوجل كروم و انستجرام وغيرهم

اضغطوا هنا

تطبيقات مختلفة على برنامج ادوبي اليستريتور زي ازاي نعمل خطوط مؤثرات وتطبيقات على الأدوات المختلفة الموجودة

اضغطوا هنا

المصدر التاني : كورسيرا

وهنا هقولكم ع اكتر من جرافيك ديزاين كورس في منهم بفلوس وفي منها لأ بس أي كورس فيهم بفلوس تقدروا تاخدوه ببلاش لو قدمتوا ع الدعم المادي وكنا اتكلمنا عن كورسيرا والدعم المادي بالتفصيل في البوست ده تقدروا تقروه من هنا

عناصر تصميم الجرافيك لغير المصممين من جامعة كولورادو

وده عبارة عن تخصص فيه 4 كورسات ، تقدروا تقدموا ع الدعم المادي بتاع كل واحد فيهم وتاخدوهم ببلاش تمامًا

اضغطوا هنا عشان تشوفوه

تخصص الـ جرافيك ديزاين مقدم من معهد كاليفورنيا للفنون

Calarts

وبردو ده عبارة عن 4 كورسات ، فيهم كورس عن التايبوجرافي أو الفن بتاع الخطوط

اضغطوا هنا عشان تشوفوه

وبس كدا دي كانت كورسات النهارده ومصادر تعلم الـ جرافيك ديزاين يا رب تكونوا استفدتوا من البوست، ولو مهتمين بتعلم تصميم الجرافيك اكتبوا لي في كومنت ايه هو هدفكم من تعلمه ؟

شكرًا عشان وصلتوا للنقطة دي وإلى اللقاء في فيديو جديد 

دمتم بخير

***

 ?يلا نبقى اصدقاء هناك كمان 

InstagramFacebook | Youtube

***

اخترت لك:

مصادر مجانية لصور احترافية

اكتر من 10 افكار لحسابات مربحة على انستجرام

ازاي نلاقي شغل كـ مصممين جرافيك مبتدئين

error

Enjoy this blog? Please spread the word :)